महापालिकेकडून जायका प्रकल्पाला मिळणार गती; मुळा-मुठा नदीचं प्रदूषित असणार चित्र पालटणार

 

पुणे: राष्ट्रीय नदी संवर्धन योजनेंतर्गत होत असलेल्या मुळा-मुठा नदीचे प्रदूषण नियंत्रण करण्याच्या कामाच्या (जायका) निविदा प्रक्रियेतील अटीशर्थी 'जायका'ने मान्य केल्या असून निविदा प्रक्रियेला वेग येऊन जायका प्रकल्पाच्या प्रत्यक्ष कामाला लवकरच सुरूवात होणार आहे. असे महापौर मुरलीधर मोहळ यांनी सांगितले. 

हे पण वाचा, नांदेड फाट्यालगतच्या दुतर्फा १०० वर्ष जुन्या वडांच्या झाडांवर महानगरपालिकेची कुऱ्हाड

मुळा-मुठा नदीसुधार योजनेअंतर्गत शहरात निर्माण होणाऱ्या सांडपाण्यावर प्रक्रिया करुन नदी पात्रात सोडण्यात येणार आहे. सुमारे बाराशे कोटी रूपयांच्या या प्रकल्पासाठी जपानच्या 'जायका' या कंपनीने ८५० कोटी रुपये अर्थसहाय्य केले आहे. प्रशासनाने पुन्हा डीपीआरमध्ये तसेच निविदाच्या अटी-शर्थीमध्ये सुधारणा केल्या आहेत. तसेच या कामासाठी इच्छुक कंपन्यांनी केलेल्या सूचनांचाही त्यामधे समावेश करून अंतिम मान्यतेसाठी जायका कंपनीकडे पाठवल्या होत्या. जायकाने त्याला मान्यता दिली. जायकाने दिलेल्या तत्वतः मान्यतेसह सर्व अटी-शर्थी आज निविदेसोबत अपलोड करण्यात आल्या आहेत.

हे पण वाचा, न्यायालयाची बंदी झुगारून कात्रजजवळ गुजरवाडी येथे बैलगाडा शर्यत

याबाबत अधिक माहिती देताना महापौर म्हणाले, पुढील चार आठवडे निविदा भरण्याची मुदत देण्यात आली असून त्यानंतर आलेल्या निविदा मान्य केल्यानंतर प्रत्यक्ष कामाला सुरुवात होईल. जायका कंपनीच्या नियमानुसारच सर्व पूर्तता करण्याची तांत्रिक प्रक्रिया पार पाड़ावी लागली. ती आज पूर्ण झाल्याने निविदा प्रक्रिया अधिक वेगाने होईल. येत्या काही दिवसात नदी सुधार प्रकल्पाचे काम सुरु होईल. प्रकल्पाचे काम  विहित मुदतित पूर्ण करण्याचा आमचा प्रयत्न राहील. 

हे पण वाचा, महापालिकेत समाविष्ट होणाऱ्या २३ गावांच्या समस्यांचा तोडगा काढण्यासाठी भाजप पदाधिकाऱ्यांचे चंद्रकांत पाटलांकडे साकडे

गेल्या अनेक वर्षांत मुळा-मुठा नद्यांच्या प्रदूषणाकडे सत्ताधाऱ्यांनी लक्ष न दिल्याने दोन्ही नद्यांच्या पाण्याने प्रदूषणाची अत्युच्च पातळी गाठली होती. मात्र आता जायकाच्या माध्यमातून या दोन्ही नद्यांच्या प्रदूषणावर नियंत्रण मिळून शुद्ध आणि प्रवाही पाणी नद्यांमधून वाहणार आहे. हा प्रकल्प पूर्ण झाल्यावर मुळा-मुठा नद्यांचे चित्र पालटणार आहे.

सिंहगड किल्ल्याकडे जाणाऱ्या अतिउत्साही लोंकावर पोलीस प्रशासनाकडून दंडात्मक कारवाई