महाराष्ट्र राज्य सहकारी दूध महासंघ म्हणजे महानंद डेअरीवर गुजरातचा ताबा,

महाराष्ट्रातले बहुतांश उद्योग राज्याबाहेर जात असताना आता महानंद दुग्धव्यवसायसुद्धा गुजरातला दिला गेला. विशेषतः गुजरातला पायघड्या घालायच्या यासाठीच हा निर्णय राज्य सरकार घेत आहे. गुजरातमधील अमूलच्या प्रगतीच्या कथा येत असताना महाराष्ट्रातही स्वतःचा ब्रँड असावा अशी मागणी जोर धरू लागली. त्याला मराठी अस्मितेची किनार होती. त्यातून १९८३ च्या सुमारास महानंद हा ब्रँड सुरू झाला. परंतु सुरुवातीपासूनच त्याला खोडा घालण्याचा प्रयत्न डेअरी क्षेत्रातील राजकीय हस्तक्षेपामुळे सुरू झाला होता. 

 महाराष्ट्राचा लोकप्रिय ब्रॅण्ड... एकेकाळी महाराष्ट्राच्या घराघरात पोहोचलेलं नाव आणि आगळी वेगळी चव... अस्सल मराठी मातीतलं दूध संकलित करून, ते ग्राहकांना पोहोचवणं ही एकेकाळची ख्याती... नाव एकच... महानंद... आता मात्र महानंदचं ते वैभव आता गुजरातला गेलंय... 

महानंद डेअरीवरुन मागच्या काही दिवसांपासून विरोधकांनी घमासान केलं होतं. इतर उद्योगाप्रमाणे महानंददेखील गुजरातला हलवण्याचा घाट घातला जातोय, असा आरोप केला होता. त्यानंतर आता 'महानंद'बाबत बातमी अली आहे. महानंद डेअरीचा ताबा नॅशनल डेअरी डेव्हलपमेंटकडे गेला आहे. नॅशनल डेअरी डेव्हलपमेंट बोर्ड यांची उपकंपनी असणाऱ्या गुजरातचया मदर डेअरी यांना 'महानंद' चालवण्यासाठी देण्यात आली आहे. मात्र येथून निघणारे उत्पादन महानंदा नावाने असणार आहे.

महाराष्ट्रातील सहकारी दूधसंस्थांची शिखरसंस्था असलेला ‘महानंद’ खासगीकरणाच्या याच धोरणाचा बळी ठरला. महाराष्ट्र राज्य सहकारी दूधसंघ (महानंद) हे राज्यात ‘ऑपरेशन फ्लड’ अंतर्गत ९ जून, १९६७ रोजी स्थापन झालेला २५ जिल्हासंघ व ६० तालुका दूधसंघांचा शिखर ‘महासंघ’ असा महाकाय विस्तार होता.