यावर्षी श्रीमंत भाऊसाहेब रंगारी ट्रस्टच्या गणपतीची प्राणप्रतिष्ठा पद्मश्री कैलाश खेर यांच्या हस्ते

 

पुणे: हिंदुस्थानातील पहिला सार्वजनिक गणपती म्हणून ओळखल्या जाणाऱ्या श्रीमंत भाऊसाहेब रंगारी ट्रस्टच्या गणपती बाप्पाची यावर्षीची प्राणप्रतिष्ठा शनिवार, ७ सप्टेंबर रोजी दुपारी १२.३० वाजता प्रसिद्ध गायक पद्मश्री कैलाश खेर यांच्या हस्ते करण्यात येणार आहे. या विशेष सोहळ्यापूर्वी शहरात भव्य मिरवणूक काढली जाणार आहे. उत्सव प्रमुख आणि विश्वस्त पुनीत बालन यांनी ही माहिती दिली. गणेश चतुर्थीच्या दिवशी, सकाळी ८ वाजून १० मिनिटांनी गणपती बाप्पाची आरती होऊन प्राणप्रतिष्ठेच्या कार्यक्रमाची सुरुवात होईल. गणपतीच्या आगमनासाठी ढोल-ताशांच्या निनादात आणि पारंपरिक खेळांच्या प्रदर्शनासह मिरवणूक निघणार आहे. यंदाच्या मिरवणुकीचे वैशिष्ट्य म्हणजे पुण्यातील प्रसिद्ध लाठी-काठी खेळ, शंखनाद आणि मर्दानी खेळ यांचा समावेश असेल. मिरवणुकीदरम्यान श्रीमंत भाऊसाहेब रंगारी भवनासमोर ढोल-ताशांच्या सलामीने गणपती बाप्पाचे स्वागत करण्यात येईल.

गणपती बाप्पाची प्राणप्रतिष्ठा हा सोहळा शनिवार, ७ सप्टेंबर रोजी दुपारी १२.३० वाजता प्रसिद्ध गायक पद्मश्री कैलाश खेर यांच्या हस्ते पार पडणार आहे. कैलाश खेर हे आपल्या भक्तीगीतांमुळे विशेष ओळखले जातात आणि त्यांच्या हस्ते गणपती बाप्पाची प्राणप्रतिष्ठा होणं, हा भक्तांसाठी एक विशेष आनंदाचा क्षण असणार आहे.

"दरवर्षीप्रमाणे यावर्षी श्रीमंत भाऊसाहेब रंगारी गणपती बाप्पाची वाजत-गाजत मिरवणुकीनंतर प्रसिद्ध गायक पद्मश्री कैलाश खेर यांच्या हस्ते प्राणप्रतिष्ठा होणार आहे. तरी सर्व गणेश भक्तांनी या सोहळ्याला उपस्थित राहावे, ही विनंती आहे." पुनीत बालन, उत्सव प्रमुख व विश्वस्त, श्रीमंत भाऊसाहेब रंगारी गणपती ट्रस्ट

यंदा १३२ वर्षांनंतर प्रथमच गणपतीच्या रथाला बैलजोडी न लावता कार्यकर्त्यांच्या हस्ते रथ ओढला जाणार आहे. पर्यावरण पूरकता लक्षात घेऊन आणि सामाजिक जबाबदारी जपत हा निर्णय घेतला गेला आहे. कार्यकर्त्यांच्या पुढाकाराने गणपती बाप्पाचे आगमन मोठ्या थाटात आणि उत्साहात होणार आहे.

यावर्षीच्या मिरवणुकीत सहभागी होणाऱ्या ढोल-ताशा पथकांची नावे पुढीलप्रमाणे आहेत:

• शिवमुद्रा
• वाद्यवृंद
• मानवंदना
• श्री
• नु म वी
• कलावंत
• श्रीराम