खडकवासला मतदारसंघात भाजपच्या बैठकीत जोरदार खडाजंगी, बड्या नेत्यांमध्ये वाद

पुणे: आगामी विधानसभा निवडणुकीच्या पार्श्वभूमीवर भाजपमध्ये प्रचंड घडामोडी घडत आहेत. खडकवासला मतदारसंघात भाजपच्या बैठकीत मोठा वाद झाला असून, पक्षाच्या स्थानिक नेत्यांमध्ये जोरदार खडाजंगी झाल्याची माहिती आहे. ही खडाजंगी मुख्यत: मतदारसंघातील उमेदवारीवरून झाली असल्याचे समजते. आमदार भीमराव तापकीर, नगरसेवक प्रसन्न जगताप, आणि दिलीप वेडे पाटील या प्रमुख नेत्यांमध्ये हा वाद झाला. भाजपचे निरीक्षक धनंजय महाडिक यांच्यासमोरच ही खडाजंगी झाली, ज्यामुळे पक्षात अंतर्गत मतभेद वाढल्याची चर्चा रंगली आहे. बैठकीत भाषणाच्या मुद्द्यावरूनही तणाव निर्माण झाला. इच्छुक उमेदवारांनी त्यांना बोलू दिले जात नसल्याची नाराजी व्यक्त केली.

खडकवासला मतदारसंघात भाजप बैठकीत आमदार भीमराव तापकीर त्याचबरोबर इच्छुक नगरसेवक प्रसन्न जगताप आणि भाजप नगरसेवक दिलीप वेडे पाटील यांच्यात उमेदवारीवरून खडाजंगी झाल्याची माहिती सूत्रांकडून मिळत आहे. पक्ष निरीक्षक धनंजय महाडिक यांच्यासमोर हा सर्व प्रकार घडला. या बैठकीत भाषणाच्या मुद्द्यावरून इच्छुक उमेदवार आणि आमदारांमध्ये वाद झाल्याची माहिती आहे. कार्यकर्त्यांना बोलू न दिल्याने बैठकीत नाराजी होती. या बैठकीत इच्छुक उमेदवारांचं गुप्त मतदान होतं, अशी देखील माहिती सूत्रांकडून मिळत आहे. पण यावेळी भाजप नेत्यांमध्ये वाद झाला. या वादानंतर खडकवासला मतदारसंघात भाजपमध्येच उमेदवारीवरून दोन गट आहेत का? असा प्रश्न उपस्थित होतोय. तसेच भाजप आमदार भीमराव तापकीर यांच्या विरोधात पक्षांतर्गत नाराजी असल्याच्या चर्चांना आता उधाण आलं आहे.

विशेष म्हणजे, या घटनेनंतर खडकवासला मतदारसंघात भाजपमध्ये दोन गट असल्याची शक्यता चर्चेत आली आहे. आमदार भीमराव तापकीर यांच्याविरोधात पक्षांतर्गत नाराजी असल्याच्या अफवा आता जोर धरत आहेत. पक्षातील या अंतर्गत वादांमुळे आगामी निवडणुकीत भाजपसमोर मोठे आव्हान उभे राहू शकते. पक्षाचे केंद्रीय नेतृत्व, विशेषत: केंद्रीय गृहमंत्री अमित शाह, यांनी पक्षातील मतभेद दूर ठेवण्याचे आवाहन केले होते. तरीही या वादामुळे भाजपच्या गोटात अस्वस्थता वाढल्याचे दिसून येत आहे.